Aldahitz ikerketaren inguruko azalpenak Bizkaia Irratian.

mai
2
Aldahitz- Logoa

Bizkaia irratiko Lau Haizetara magazinean Aldahitz ikerketaren inguruko elkarrizketa egin zuten pasa den apirilaren 27an. Lanean hizkuntza-ohiturak aldatzeari buruzko azalpenak eman zituen Pablo Suberbiola Soziolinguistika Klusterreko kideak. Elkarrizketaren audioa eskuragarri dago, 12 minututan azalpen hauek entzun nahi dituenarentzat.

Euskaltzaindiak eta Soziolinguistika Klusterrak bost urterako lankidetza-hitzarmena sinatu dute

Mar
27

Euskaltzaindia-Klusterra sinadura

Gaur, martxoaren 30ean, Soziolinguistika Klusterrak eta Euskaltzaindiak bi erakundeen arteko lankidetza-hitzarmena sinatu dute Donostian, Gipuzkoako Foru Aldundian. Klusterraren izenean Jaime Altuna presidenteak sinatu du, eta Euskaltzaindiarenean Andres Urrutia euskaltzainburuak. Eurekin batera, Ibon Usarralde Klusterreko kudeatzailea eta Andres Iñigo Euskaltzaindiko Jagon sailburua izan dira.

V. Euskal Soziolinguistika Jardunaldiaren emaitzak

Ots
23

Pasa den ostiralean, Otsailak 24, egin zen Donostiako Eureka! museoan Euskal Soziolinguistika Jardunaldiaren bosgarren edizioa. Egun osoan zehar hitzaldiak, lan-saioak eta bestelakoak izan ziren, bertan bildutako teknikari, irakasle, ikerlari eta euskaltzaleek elkar topatu eta hausnarketan murgiltzeko. Aurtengoan, gaia honakoa izan zen: Kulturgintza euskararen garabidean.

Abian da Soziolinguistika Klusterraren hausnarketa estrategikoa

Ots
17

iparrorratza

2012-2014 urteetan zehar jarraitu beharreko norabidea definitu eta Klusterrak izan beharko lukeenaz hausnartzeko aukera emango duen ekimena da. Otsailetik maiatzera arte iraungo du prozesuak. Hainbat lan-saio burutuko dira bitarte horretan. Klusterraren inguruan biltzen diren bazkide, langile, kolaboratzaile, bezero, aliatu eta  erabiltzaileen iritziak eta proposamenak kontuan hartzeko bideak jarriko dira.

HAUSNARTU sariak erabakita

Urt
31

Hausnarto

Euskal Soziolinguistikako HAUSNARTU SARIEN IV. Edizioko irabazleak zein diren erabaki da dagoeneko.

Aurtengo edizioko irabazleak honakoak izan dira:

  • Lehen sariaren lan irabazlea: Euskararen belaunez belauneko jarraipena hizkuntza sozializazioaren paradigmatik (Paula Kasares Corrales Nafarroako Unibertsitate Publikoko irakaslea)

  • Bigarren sariaren lan irabazlea: Sartu-irten bat auzoaren etxean (Egilea: Dabid Anaut Peña euskara teknikaria)

  • Hirugarren sariaren lan irabazlea: Hezkuntza marko hirueledunaren ondorioak (Egilea: Maier Ugartemendia Ugartemendia Euskal Filologian lizentziatua)

Aurtengo edizioko epai-mahai kideak honakoak izan dira: Pello Jauregi, Pedagogiako irakaslea HUHEZI Fakultatean (Mondragon Unibertsitatea); Iñaki Martinez de Luna, UPV/EHU Euskal Herriko Unibertsitateko irakasle eta BAT Soziolinguistika aldizkariko Argitalpen Batzordeko kidea; Joxean Amundarain, Gipuzkoako Foru Aldundiko Euskara Teknikaria, eta Iván Igartua Eusko Jaurlaritzako Hizkuntza Politikarako Koordinaziorako Zuzendaria.

Soziolinguistika Klusterrak eta HABEk hitzarmena sinatu dute

Abe
19

Soziolinguistika Klusterrak eta HABEk lankidetza hitzarmena sinatu zuten abenduaren 16an. Hitzarmen horri esker HABE Liburutegia Soziolinguistika Klusterraren bibliografia eta dokumentazio hornitzaile izango da euskara, soziolinguistika eta eleaniztasunaren esparru zientifikoetan. Soziolinguistika Klusterrak, bere aldetik, HABE Liburutegiko funtsak erabiliko ditu eta horien berri emango du bere sarean. Argazkian Eusko Jaurlaritzako Hizkuntza Politikarako Sailburuorde Lourdes Auzmendi eta Soziolinguistika Klusterreko kudeatzaile Ibon Usarralde ageri dira hitzarmenaren berri ematen.

Juan Jose Ibarretxe Klusterraren EraLan topaketan

Aza
30

Juan Jose Ibarretxe EAEko Lehendakari ohiak hitzaldia eman du Soziolinguistika Klusterrak Mondragon Unibertsitateko Huhezi Fakultatean egiten diharduen EraLan topaketan. Topaketan Juan Jose Ibarretxek euskararen lidergoaren inguruko bere lekukotza eskaini du eta beste hizlari hauek ere parte hartu dute: Maite Artola kazetariak, Mari Luz Esteban EHUko irakasleak eta Julen Arexolaleiba Mondragon Unibertsitateko irakasleak.

Orriak