2016ko MEMORIA ARGITARATU DA

mai
12

Soziolinguistika Klusterrak 2016. urteko memoria argitaratu berri du. Bertan zerrendatzen dira elkarteak ikerketa, garapen eta berrikuntzan burututako egitasmo eta proiektuak, bai eta urtean zehar egin duen ezagutzaren kudeaketa arloko xehetasunak ere.

Interesa duenak hemen eskuratu dezake dokumentua.

Soziolinguistika Klusterraren batzar orokorra eta mintegia egingo dira maiatzaren 18an

mai
9

Urtero bezala, batzar orokorra egingo dugu etorri nahi duzuen bazkide guztiokin maiatzaren 18an Andoaingo Martin Ugalde Kultur Parkean eguerdiko ordu batean.
 
Batzarraren aurretik (12:00an) mintegia egingo dugu Eusle metodologiaren emaitzak, Soziolinguistika Klusterraren ibilbidearen mapa eta Eusko Ikaskuntzaren e5 proiektua aurkezteko.
 
Informazio gehiago: hemen

BAT Soziolinguistika Aldizkariak ia 6.000 bisita ditu hilero

Api
27

DIALNETen bitartez BAT Sozioliguistika Aldizkariak jasotzen dituen bisita-kopurua igotzen doa urtez urte; 2.016. urtea bitartean, 5.000 eta 6.000 bisita izan ditu aldizkariak hilero, eta 2017ko datuek joera hori berresten dutela jakin dugu dagoeneko.

Era berean, deskargatzen diren artikulu-kopurua ere inportantea da, ondoren ikus daitezkeen grafikoek erakusten duten bezala.

Bartzelonan izan gara Hizkuntza Indigenen eta Eremu Urrikoen Biziberritzeari buruzko kongresuan

Api
27

Apirilaren 19, 20 eta 21ean Hizkuntza Indigenen eta Eremu Urrikoen Biziberritzeari buruzko lehen nazioarteko kongresua egin da eta bertan izan dira Soziolinguistika Klusterreko bulego teknikoko lau kide.

Olatz Altunak kale neurketetarako metodologia aurkeztu du. Pablo Suberbiolak Jendaurrean Erabili proiektuaren nondik norakoak aurkeztu zituen. Belen Urangak, berriz, Garabideko beste kide batzuekin batera mahai inguru batean hartu zuen parte. Imanol Larreak hizkuntza jarrerei buruz bukatu berri duen tesiko hainbat emaitza landu zituen.

“Gipuzkoa berdinago” egitasmoa aurkeztu da gaur

Api
24

“Gipuzkoa berdinago” egitasmoa Soziolinguistika Klusterrak eta EHU-k elkarlanean egin duten “Jendaurrean Erabili” proiektuaren baitan kokatzen da. “Jendaurrean Erabili” proiektuak erakunde eta enpresen jendaurreko euskarazko komunikazioan laguntzeko baliabideak eskaintzea du helburu eta ariketa horretan, Gipuzkoa mailan hizkuntza ofizialen arteko oreka berri baten bila lan egingo duen prozesu bat abiatu du. Gipuzkoako Foru Aldundiaren proposamenez abiatu den egitasmo honek Gipuzkoan erreferentzialak diren zenbait erakunderen arteko elkarlanean oinarrituko du bere dinamika.

“Zer egin ahozko komunikazioa eskolan lantzeko?" EHUko Uda Ikastaroa uztailean

Api
10

Soziolinguistika Klusterrak EHUko XXXVI Uda Ikastaroetan Zer egin ahozko komunikazioa eskolan lantzeko? izeneko tailerra antolatu du, 2017ko uztailaren 3an eta 4an izango dena Miramar Jauregian, eta bertan hizkuntza normalkuntzaren ikuspegitik, ahozko hizkuntza eskolan lantzeko garaian baliagarri gerta daitezkeen egiteko moduak aurkeztu eta esperimentatu nahi dira. Hala, gai honetan sakontzeko tresnak behar eta nahi dituen irakasle eta zuzendaritzako edota gainerako kideei begira jarrita sortutako proposamena da.

Datorren ostegunean, apirilaren 6an "Ikasleen euskarazko ahozko gaitasuna lantzeko eta hobetzeko egitasmoa" hitzaldia

Mar
31

2014az geroztik martxan da Bergaran Berbekin programa. Bergarako Udalaren laguntzarekin eta Soziolinguistika Klusterraren gidaritzan Aranzadi, Ipintza eta Mariaren Lagundia ikastetxeetan bideratzen ari da Berbazko Komunikazioa Indartzeko programa.

Proiektu honen harira datorkigu “Ikasleen euskarazko ahozko gaitasuna lantzeko eta hobetzeko egitasmoa" hitzaldirako gonbita. Helburu berarekin diharduen ikastetxe baten esperientziaren kontaketa elkarbanatzeko aukera izango dugu.

Hala beraz, honako hitzaldira gonbidatzen zaituztegu:

Orriak