Azaroaren 22an UEMAk eta Soziolinguistika Klusterrak antolatutako "Arnasguneak eta udalerri euskaldunak: gaurko eta biharko erronkak" jardunaldiko saioak ikusgai daude bideoan. Zehazki Mikel Zalbideren hitzaldia, Iñaki Agirreazkuenagarekin elkarrizketa eta Olatz Altunaren aurkezpena daude bideoan jasota, bertan egoterik izan ez zuenak ikusteko moduan. Grabazio hauek egiteaz EHUren ikus-entzunezko zerbitzuak arduratu dira, EHUk jardunaldiari eman dion laguntzaren baitan.

Euskaltzaindiak Euskera aldizkariaren 61 (2016) 2. zenbakia argitaratu berri du. Soziolinguistika Klusterreko Olatz Altuna eta Maialen Iñarra ikerlariek idatzitako "Euskararen ahozko kale-erabilera: erronkak" artikulua biltzen du, besteak beste.

Abenduaren 1etik 11 bitartean AzpeitHika gaztetxoen kartel erakusketa izango da Sanagustin Kulturgunean. Azpeitian hitanoaren erabilera eta haren arauak nola bizi dituzten landu dute Azpeitiko ikastetxe guztietan 10 urteko gaztetxoek. Lanaren emaitzetako batzuk erakusgai izango dira aste honetan.

Azaroak 29 eta abenduak 1 bitartean antolatu da SEDLL nazioarteko kongresua Ciudad Realen. Aurtengoa XVIII. edizioa izan da eta hizkuntzaren irakaskuntzarekin loturiko gaiak, besteak beste, jorratu dira eskaini diren 200 hitzaldi, hainbat tailer eta mahainguruetan.

Gipuzkoa berdinago egitasmoaren ondorioak aurkeztu dituzte gaur Gipuzkoako Foru Aldundian lurraldean erreferentzia diren 18 erakunde, elkarte eta enpresek, azken sei hilabeteetan elkarlanean egindako lanaren ondoren. Lankidetzan egindako bidearen ondoren, jendaurrean euskararen erabilera bultzatzeko jokabidea jasotzen duen adierazpena adostu dute, zeinetan hizkuntzen arteko “bizikidetza orekatuagoa” bilatzen den.

Donostian, EHUren Carlos Santamaria Zentroan egin da “Arnasguneak eta udalerri euskaldunak: gaurko eta biharko erronkak” jardunaldia, UEMAk eta Soziolinguistika Klusterrak elkarlanean antolatuta. Bertan bildutako euskara teknikariek, udal ordezkariek, ikerlariek eta euskararen biziberritzean diharduten profesionalek euskaldun proportzio altuena duten udalerrientzat aurrera begira ikusten diren erronka nagusien inguruan jardun dute.

Azaroaren 17an Euskararen Etxean (Gasteizen) egin da Jagon Jardunaldiaren XXII. edizioa. Aurtengoaren izenburua " Araba, euskaraz bidea egiten" izan da. Besteak beste, Soziolinguistika Klusterreko Olatz Altunak parte hartu du testuinguru soziolinguistikoa kokatzeko Erabileraren Kale Neurketaren datuak aurkeztuz.

Ikusgai dagoen txostenak 2016 urtean egindako lanaren bilduma egiten du; proiektuaren lehen fasearena. 2017ko udaberrian  praktika-komunitateko kideen artean zabaldu zen eta orain ikusgai dago interesa duen ororentzat.

EAEko ikasleen eskola-giroko euskararen erabilera aztertzen dute ikerketa-ildo zabal eta sakon honen bidez Eusko Jaurlaritzako Hezkuntza Sailak eta Soziolinguistika Klusterrak.

Barne-mintegiak Soziolinguistika Klusterraren bulegoko kideen arteko ezagutza-trukerako eta proiektuei zuzenean lotuta ez dauden edukietan formakuntza lantzeko egiten diren saioak dira.