Bizindar Digitalari eskainitako 111 zenbaki monografikoa András Kornai Hungariako Zientzien Akademiako irakasleak zabaldu du. "Hizkuntzen Heriotza Digitala" artikuluan, hizkuntzen zaurgarritasuna neurtzeko dagoeneko ohikoa den bizindarraren aurreikuspenak eta egoera digitalarenaren arteko ikerketa konparatibo interesgarria aurkeztu du. Ikerketa horren emaitza nagusia da orain arte egindako iragarpenen aldean arrakala digitalak sortutako hizkuntzen heriotza masiboaren ebidentziak are eta kezkagarriagoak direla, eta, beraz, beharrezkoa dela hizkuntzen presentzia digitala ziurtatzea ahalik eta modu indartsuenean hizkuntzen etorkizuna bermatzeko.

Soziolinguistika Klusterrak Euskal Herriko Unibertsitatearekin elkarlanean gidatzen duen Aldahitz proiektuak ibilbide emankorra egin du 2010ean abiatu zenetik. Ikerketa-ekintza baliatzen da proiektuan hizkuntza ohiturak eraldatzeko metodologiak sortu, aplikatu, hobetu eta jendarteratzeko. Aldahitzen orain arteko ibilbidean sortutako bi metodologia nagusiak EUSLE (2012) eta ULERRIZKETA (2019) dira. Urriaren 30ean Gasteizen mintegi teknikoa eskainiko da bi metodologia hauek ezagutu eta erabiltzeko jardunbideak jaso nahi dituen orori zuzenduta. Gainera, Ulerrizketa metodologiaren argitalpen eta bideo berriak aurkeztuko dira.

Soziolinguistika Klusterrak eta Eusko Jaurlaritzako Kultura eta Hizkuntza Politika Sailak elkarlanean antolatuko dute Euskal Soziolinguistika Jardunaldiaren 2019ko edizioa eta “Euskaraldia aztergai” izenburua izango du. Urriaren 9an Tolosan izango da, goiz eta arratsaldez,

Soziolinguistika Klusterraren bulego teknikoak barne-mintegiak egiten ditu langileen arteko ezagutza partekatu eta denetariko trebakuntza jorratzeko. Batzuetan aditu gonbidatuek parte hartu ohi dute barne-mintegiotan eta hori izan zen pasa den ekainaren 19an egindakoaren kasua.

Frisiako Afûk erakundeko ordezkari den Mirjam Vellinga Euskal Herrian izan da, bertako hainbat erakunde eta elkarte hobeto ezagutu eta harremanak estutzeko asmoz. Soziolinguistika Klusterraren bulegoan eman zuen ekainaren 19ko goiza, besteak beste.

Soziolinguistika sarien XII. edizioan berrikuntzak izango dira. Soziolinguistika Klusterra eta Euskal Herriko Unibertsitatea elkarlanean arduratu dira antolakuntzaz eta Txillardegi – Hausnartu izena emango zaio aurrerantzean deialdiari, soziolinguista donostiarraren omenez.

Hizkuntza Aniztasuna Sustatzeko Sareak (Network to Promote Language Diversity) Okzitaniako Tolosan egin du bere Urteko Ohiko Batzarra, joan den ekainaren 6an eta 7an. Convergéncia Occitana bazkidearen ardurapean antolatu da eta Soziolinguistika Klusterraren ordezkari gisa Imanol Larrea zuzendariak parte hartu du.

Lehen eguna osorik dedikatu zaio batzar orokorrari eta bigarrena Okzitaniako hizkuntza egoera ezagutzeko baliatu da. Bilerak Calandreta batean (okzitanierazko ikastolak) eta Erregio Kontseiluaren egoitzan izan dira.

Maiatzaren 22tik 24ra Frisiako hiriburuan, Ljouwert-en, egin da ICMLren (International Conference on Minority Languages) 17. edizioa Mercator hizkuntza aniztasunari buruzko ikerketa zentroak antolatuta.

Pasa den maiatzaren 23 eta 24an Bilboko EHU-Bizkaia aretoan gizarte eraldaketarako ekintza kolaboratibo kolektiboen inguruko nazioarteko konferentzia egin zen. EHU kide den Sharing Society proiektuaren inguruan antolatutako hitzordua izan zen. Soziolinguistika Klusterrak EHUko ikerketa-talde batekin batera gidatzen duen Jendaurrean Erabili proiektuaren inguruko komunikazioa aurkeztu zuten Asier Basurto eta Eduardo Apodakak.

Urtero bezala soziolinguistika gaien inguruko eskaintza izango da EHUren uda ikastaroetan. Soziolinguistika Klusterrak Gipuzkoako Foru Aldundiarekin elkarlanean antolatu du Immigrazioa eta hizkuntza-aniztasuna: Harrera integralaren bila ikastaroa. Donostiako Miramar Jauregian izango da, ekainaren 20 eta 21ean.