Urtarrilaren 29an izango da HAUSNARTU Euskal Soziolinguisitika Lehiaketaren SARI-BANAKETA, Donostiako San Telmo Museoan

Urt
19

 

DEIALDI IREKIA

SARI-BANAKETA ekitaldia Donostiako San Telmo Museoan izango da urtarrilaren 29an, eguerdiko 12etan.

SARI-BANAKETArekin batera ahozkotasunaren inguruko mintegia egingo da Ines Garcia (EHU) eta Josune Zabala (Soziolinguistika Klusterra) irakasleekin.

"Ahozko komunikazioa eskolan" monografikoa BAT 96 zenbaki argitaratu berrian

Urt
14

Soziolinguistika Klusterrak argitaratu berri du BAT 96 zenbakia, euskararen erabileraren inguruko gaur egungo eztabaidetan nagusitzen ari den gaia ardatz hartuta: ahozko komunikazioa eskolan.

Euskal soziolinguistikaren teorizazioetan, azterketetan eta praktiketan gaia erdigunera eraman beharra azpimarratu nahi da zenbaki honetan, bildutako artikuluen bitartez.  Eta, zehazki, irakaskuntza eremuan egin daitekeenaren inguruan hausnarketa egitea. 

Soziolinguistika Klusterrak "International Symposium: Turning passive speakers into active speakers" mintegian parte hartu du

Abe
4

Soziolinguistika Klusterreko Imanol Larrea eta Pablo Suberbiola lankideek Galesko Bangor Unibertsitateko "International Symposium: Turning passive speakers into active speakers" mintegian parte hartu dute. Bertan, Soziolinguistika Klusterraren eta Euskal Herriko egoera soziolinguistikoaren berri laburra eman ondoren, Aldahitz proiektuaren ezaugarriak eta azken ikerketen emaitza nagusiak azaldu dituzte: "The Aldahitz project. Principal characteristics and results of the "Eusle" methodology (2013-2014)"

HITANOA SUSTATZEKO MATERIAL DIDAKTIKOAK AURKEZTU DIRA AZPEITIAN ETA ZUMAIAN

Aza
18

2010 urtetik hona, hitanoa sustatzeko materiala sortzen, probatzen eta hobetzen jardun du SLK-k Azpeitiko eta Zumaiko ikastetxe guztietako irakasleekin elkarlanean. Lau urte hauetan zehar egindako bidearen azken emaitza da aurkeztu den material sorta: 12 material didaktiko herri bakoitzeko hitanoaren erabilera sozialak ezagutu, hitanoa darabiltengana hurbildu eta erabiltzen hasi edo jarraitzeko.

2015eko HAUSNARTU Sarietako irabazleak

Aza
17

Xabi Aizpurua Ugartek irabazi du 2015eko HAUSNARTU lehiaketako lehen saria, Euskararekiko pertzepzio soziolinguistikoa nola landu udalerri euskaldunetako ikasleekin: hizkuntza ekologia eta arnasguneen ideia lanarekin.

Egileak 1.500 €  eta Zumetaren litografia jasoko du sari modura. 

Bigarren saria Jaime Altuna Ramirezentzat izan da1.000  jasoko ditu Euskara pasilloetan galduta. Praktiken aldaketak eta hizkuntz mudantzak nerabezaroan lanarengatik. 

Argitaratu dugu BAT 95 zenbakia: Lurraldearen eta hizkuntzaren arteko loturak

Ira
30

Lurraldearen eta hizkuntzaren arteko loturak gai monografikotzat hartuta argitaratu berri dugu BAT 95 zenbakia.

2015eko otsailaren 5ean eta 6an, Donostiako Karlos Santamaria aretoan burutu ziren Lurraldea eta Hizkuntza. Erronkak & Tresnak, II Jardunaldian eskainitako hainbat hitzaldien inguruko artikuluak bildu dira zenbaki honetan.

Mungiako haur eta gaztetxoen hizkuntza-ohituren inguruko azterlana aurkeztuko du irailaren 24an Soziolinguistika Klusterrak Aztikerrekin elkarlanean

Ira
23

 

2013-2014 ikasturtean Mungiako ia 500 ikaslek eta gurasoek inkesta bat bete zuten, bertan ikasleen hizkuntza-gaitasuna eta hizkuntza-erabilera ohiturei buruzko informazio aski interesgarria jaso zen.

Ikerketa horren ondorioen berri emango dute Asier Etxenikek (AZTIKER ikergunea) eta Olatz Altunak (Soziolinguistika Klusterra) soziologoek. Ondorio horiek abiapuntu hartuta euskararen biziberritze prozesuan aurrera begirako erronken inguruko hausnarketa sustatu nahi du herriko eragile eta norbanakoekin, Mungiako Udalak.

Páginas