BEGIN:VCALENDAR
VERSION:2.0
METHOD:PUBLISH
CALSCALE:GREGORIAN
PRODID:-//WordPress - MECv7.32.0//EN
X-ORIGINAL-URL:https://soziolinguistika.eus/eu//
X-WR-CALNAME:Soziolinguistika Klusterra
X-WR-CALDESC:Euskara biziberritzeko ikergunea
X-WR-TIMEZONE:Europe/Paris
BEGIN:VTIMEZONE
TZID:Europe/Paris
X-LIC-LOCATION:Europe/Paris
BEGIN:DAYLIGHT
TZOFFSETFROM:+0100
TZOFFSETTO:+0200
TZNAME:CEST
DTSTART:20260329T030000
RRULE:FREQ=YEARLY;BYMONTH=03;BYDAY=-1SU
END:DAYLIGHT
BEGIN:STANDARD
TZOFFSETFROM:+0200
TZOFFSETTO:+0100
TZNAME:CET
DTSTART:20261025T020000
RRULE:FREQ=YEARLY;BYMONTH=10;BYDAY=4SU
END:STANDARD
END:VTIMEZONE
REFRESH-INTERVAL;VALUE=DURATION:PT1H
X-PUBLISHED-TTL:PT1H
X-MS-OLK-FORCEINSPECTOROPEN:TRUE
BEGIN:VEVENT
CLASS:PUBLIC
UID:MEC-3fd71386d2127877fa8dc9e5025ddb79@soziolinguistika.eus
DTSTART;TZID=Europe/Paris:20250605T000000
DTEND;TZID=Europe/Paris:20250607T000000
DTSTAMP:20250514T152620Z
CREATED:20250514
LAST-MODIFIED:20250514
PRIORITY:5
SEQUENCE:0
TRANSP:OPAQUE
SUMMARY:Ongi etorri euskararen mundura. II. Harrera jardunaldiak
DESCRIPTION:Ekainaren 5 eta 6an, Ongi Etorri Euskararen Mundura. II. Harrera Jardunaldiak egingo ditugu Bilbon, Arrupe Etxean (nola iritsi), Euskalgintzaren Kontseiluak eta Eusko Jaurlaritzaren Hizkuntza Politikarako Sailburuordetzak elkarlanean antolatuta.\nEuskararen normalizazio eta biziberritze prozesuaren egungo erronketako bat da euskal herritar berriak helburu hori erdiesteko aliatu egitea. Horretarako, ezinbestekoa da hizkuntza harrera egokia gauzatzea. Premia hori sumatuta lanean ari dira hainbat eragile eta instituzio. Nolanahi dela, sortzen ari diren gogoeta eta praktika horiek elkarrekin partekatu eta amankomunean bideratzea premiazkoa da hizkuntza harrera egokira ailegatzeko. Hain justu, aurreko urteko Ongi etorri euskararen mundura harrera jardunaldietan, harrera egoki baterako zumeak zeintzuk izan beharko liratekeen hausnartu genuen (ikus iazko hitzaldien grabazioak). Aurtengo jardunaldietan berriz, hausnarketa horiek indarrean jartzeko aukerez hitz egingo dugu, martxan dauden harrera plan eta praktikak elkarbanatzeko aukera ere izango dugu.\nNori zuzenduta daude?\nJardunaldiak udaletako arduradun politikoei, euskara eta migrazio teknikariei, hezkuntza formal eta ez-formaleko hezitzaileei eta gizarte mugimenduetako kideei zuzenduta egongo dira, baita gaian interesa duen edonori ere.\nKokapena\nGero eta gehiago dira euskal herritar berriak, beren jatorrizko bizilekuak utzi eta bizimodu hobe baten bila heldu zaizkigunak. Gainera, onura dakarte gure jendartera: ehun produktiboari eta geure jendartearen premiei eusteko ezinbesteko dira. Ildo horretatik, datorren hamarkadan milaka eta milaka gehiago etorriko direla aurreikusten da.\nEuskararen normalizazioan eta biziberritzean aurrera egin nahi bada ezinbestekoa da gertakari hori aintzat hartzea, eta ezinbestekoa da, euskal herritar berri horiei hizkuntza harrera egokia egitea: euskarara iristeko eta euskaraz jabetzeko bidea ematea. Are, euskararen komunitateko kide aktibo bihurtzea.\nHonen guztiaren helburuak bi dira, estuki elkar lotzen direnak: batetik, hizkuntza harrerari buruzko ezagutza ekoiztea; eta, bestetik, ezagutza horretatik abiatuta harrera protokolo egokiak diseinatzea erakunde eta eragileen aldetik esku-hartze egokiak bideratzeko.\nMigrazio prozesuez hitz egitean gailentzen den ikuskera funtzionalaz harago, bizitza proiektuak garatzera datozela aintzat hartzea funtsezkoa da, eta euskarak bide horretan berebiziko garrantzia izan dezake. Horretarako, ordea, haien errealitateei tentuz erreparatu behar zaie. Euskara inklusio elementu izango bada, gizarte homogeneo bat euskalduntzeko bideek ez dute balioko, gizarte plural eta askotarikoa baita gurea.\nGai honetan zeharka jardun behar dela ulertzen dugu, administrazioak erraztaile izan behar du, eta gerturatzen den pertsona modu integral batean begiratu. Babes instituzionala beharrezkoa da, baina, ardurak partekatua izan behar du eta elkarlana oinarri izan behar da.\nHarreraren indarguneak plano lokalean daudela uste dugu, beraz, harrera komunitarioak ahalbidetu eta bultzatzea estrategikoa da, harrera integrala izateko zume gisa. Ikuspegi komunitarioa izatea, inklusioa sustatzea, ahalduntzea eta bizi baldintzak eraldatzea izan beharko dira harreraren oinarri, hizkuntza zehar-lerro gisa eremu guztietan txertatuz.\nJatorri-aniztasuna da egungo immigrazioaren ezaugarri nagusia eta horrek bere baitan dakarren hizkuntza-aniztasuna. Harrera herri euskalduna izango bagara, tokian tokiko errealitate soziolinguistikoa ezagutzea beharrezkoa izango da. Aberastasun linguistiko esanguratsua duen gizartea gara, beraz, nola sustatu euskararen ezagutza unibertsala, komunitate etorkinen hizkuntzak ere indartuz?\nEuskara eta immigrazioa, ez dira arazo bat, erronka baizik, horregatik, euskara oztopoarekin eta diskriminazioarekin lotzen dituen markoa gaindituz, hizkuntza gutxitu batek behar duen adostasun soziala bermatzea beharrezkoa da.\nAzkenik, zaurgarritasunetik euskalduntzeko moduak aurkitu behar ditugu, izan ere, euskalduntzeak migratzaileen egoerak kontuan izango dituen politika, programa, bitarteko, laguntza eta metodologiak behar ditu inklusio tresna izan dadin.\nEGITARAUA\nEkainaren 5a, osteguna\n09:30-10:00        Harrera eta agurrak.\n\nIdurre Eskisabel Larrañaga – Euskalgintzaren Kontseiluko idazkari nagusia\nAitor Aldasoro Iturbe – Eusko Jaurlaritzaren Hizkuntza Politikarako sailburuordea\n\n10:00-11:30        Hitzaldia: Kataluniako Harrera Linguistikoa.\n\nVanessa Bretxa i Riera – Kataluniako Generalitateko Katalanaren Ezagutza Eskuratzeko eta Erabilera Sustatzeko zuzendari nagusia\n\n11:30-12:00        Atsedenaldia: Kafe-etena.\n12:00-13:00        Hitzaldia: Harrera linguistikoari markoa.\n\nBelen Uranga Arakistain – Soziolinguistika Klusterreko ikerlaria eta Bat Soziolinguistika Aldizkariaren koordinatzailea\n\n13:00-14:00        Solasaldia: Iritsi, iraun, bizi. Euskal Herrira heltzen diren migratzaileen ibilbideak.\n\nMikel Mazkiaran Lopez de Goikoetxea – SOS Arrazakeria\nBizipen baten kontakizuna (Izena konfirmatzeke)\n\n14:00-15:00        Bazkaria.\n15:00-16:30        Mahaingurua: Harrera Instituzionala.\n\nJavier Arakama Urtiaga – Euskarabidea-Euskararen Nafar Institutuko zuzendari kudeatzailea\nEusko Jaurlaritza (Izena konfirmatzeke)\nHizlari gehiago konfirmatzeke\n\nEkainaren 6a, ostirala\n09:30-10:15        Solasaldia: Lekukotzak.\n\nErdarazko ereduetan eskolaratutakoen gogoetak (Izena konfirmatzeke)\nHelduak zirela euskaldundutakoak (Izena konfirmatzeke)\n\n10:15-11:15        Mahaingurua: Hezkuntza komunitatetik egiten den harrera linguistikoa.\n\nJosune Zabala Alberdi – Eusko Jaurlaritzaren Euskararen eta Hizkuntzen Ikaskuntzarako Institutuaren zuzendaria\nGarazi Zarautz Pensado – Ongi Etorri Eskolara proiektuko koordinatzailea\nOdei Guirado Irasuegi – Pedagogoa, Zirimola Ikastolen Aisialdi Taldeko ikertzailea, Pulunpa (e)ta Xin!, erdal jatorria duten ikasleentzako harrera- eta murgiltze-plana\n\n11:15-11:45        Atsedenaldia: Kafe-etena.\n11:45-12:45        Mahaingurua: Harrera proiektu komunitarioak.\n\nHerriko Benta (Artea)\nPlazara (Ipar Euskal Herria)\nAZET etxebizitza sindikatua (Bilbo)\nHizlari gehiago konfirmatzeke\n\n12:45-13:30        Ariketa dinamizatua: Harrera Linguistikorako proposamenak.\n13:30-14:00        Jardunaldien itxiera.\nEMAN IZENA\n\n\n\n
URL:https://soziolinguistika.eus/eu/ekitaldiak/ongi-etorri-euskararen-mundura-ii-harrera-jardunaldiak/
ORGANIZER;CN=Kontseilua eta EJ-HPS:MAILTO:
LOCATION:Bilbo
END:VEVENT
END:VCALENDAR