{"id":88652,"date":"2025-05-14T15:26:20","date_gmt":"2025-05-14T14:26:20","guid":{"rendered":"https:\/\/soziolinguistika.eus\/?post_type=mec-events&p=88652"},"modified":"2025-05-14T15:26:20","modified_gmt":"2025-05-14T14:26:20","slug":"ongi-etorri-euskararen-mundura-ii-harrera-jardunaldiak","status":"publish","type":"mec-events","link":"https:\/\/soziolinguistika.eus\/eu\/ekitaldiak\/ongi-etorri-euskararen-mundura-ii-harrera-jardunaldiak\/","title":{"rendered":"Ongi etorri euskararen mundura. II. Harrera jardunaldiak"},"content":{"rendered":"

Ekainaren 5 eta 6an,\u00a0Ongi Etorri Euskararen Mundura. II. Harrera\u00a0Jardunaldiak<\/em><\/strong>\u00a0egingo ditugu\u00a0<\/span>Bilbon<\/strong>, Arrupe Etxean (nola iritsi<\/a>), Euskalgintzaren Kontseiluak eta Eusko Jaurlaritzaren Hizkuntza Politikarako Sailburuordetzak elkarlanean antolatuta.<\/p>\n

Euskararen normalizazio eta biziberritze prozesuaren egungo erronketako bat da euskal herritar berriak helburu hori erdiesteko aliatu egitea. Horretarako, ezinbestekoa da hizkuntza harrera egokia gauzatzea. Premia hori sumatuta lanean ari dira hainbat eragile eta instituzio. Nolanahi dela, sortzen ari diren gogoeta eta praktika horiek elkarrekin partekatu eta amankomunean bideratzea premiazkoa da hizkuntza harrera egokira ailegatzeko. Hain justu, aurreko urteko\u00a0<\/span>Ongi etorri euskararen mundura<\/em><\/strong>\u00a0<\/span>harrera jardunaldietan, harrera egoki baterako zumeak zeintzuk izan beharko liratekeen hausnartu genuen (ikus iazko\u00a0<\/span>hitzaldien grabazioak<\/a>). Aurtengo jardunaldietan berriz, hausnarketa horiek indarrean jartzeko aukerez hitz egingo dugu, martxan dauden harrera plan eta praktikak elkarbanatzeko aukera ere izango dugu.<\/p>\n

Nori zuzenduta daude?<\/h4>\n

Jardunaldiak\u00a0<\/span>udaletako arduradun politikoei, euskara eta migrazio teknikariei,\u00a0<\/span><\/strong>hezkuntza formal eta ez-formaleko\u00a0<\/span>hezitzaileei eta gizarte mugimenduetako kideei<\/strong>\u00a0zuzenduta egongo dira, baita gaian interesa duen edonori ere.<\/p>\n

Kokapena<\/h4>\n

Gero eta gehiago dira euskal herritar berriak, beren jatorrizko bizilekuak utzi eta bizimodu hobe baten bila heldu zaizkigunak. Gainera, onura dakarte gure jendartera: ehun produktiboari eta geure jendartearen premiei eusteko ezinbesteko dira. Ildo horretatik, datorren hamarkadan milaka eta milaka gehiago etorriko direla aurreikusten da.<\/p>\n

Euskararen normalizazioan eta biziberritzean aurrera egin nahi bada ezinbestekoa da gertakari hori aintzat hartzea, eta ezinbestekoa da, euskal herritar berri horiei hizkuntza harrera egokia egitea: euskarara iristeko eta euskaraz jabetzeko bidea ematea. Are, euskararen komunitateko kide aktibo bihurtzea.<\/p>\n

Honen guztiaren helburuak bi dira, estuki elkar lotzen direnak: batetik, hizkuntza harrerari buruzko ezagutza ekoiztea; eta, bestetik, ezagutza horretatik abiatuta harrera protokolo egokiak diseinatzea erakunde eta eragileen aldetik esku-hartze egokiak bideratzeko.<\/p>\n

Migrazio prozesuez hitz egitean gailentzen den ikuskera funtzionalaz harago, bizitza proiektuak garatzera datozela aintzat hartzea funtsezkoa da, eta euskarak bide horretan berebiziko garrantzia izan dezake. Horretarako, ordea, haien errealitateei tentuz erreparatu behar zaie. Euskara inklusio elementu izango bada, gizarte homogeneo bat euskalduntzeko bideek ez dute balioko, gizarte plural eta askotarikoa baita gurea.<\/p>\n

Gai honetan zeharka jardun behar dela ulertzen dugu, administrazioak erraztaile izan behar du, eta gerturatzen den pertsona modu integral batean begiratu. Babes instituzionala beharrezkoa da, baina, ardurak partekatua izan behar du eta elkarlana oinarri izan behar da.<\/p>\n

Harreraren indarguneak plano lokalean daudela uste dugu, beraz, harrera komunitarioak ahalbidetu eta bultzatzea estrategikoa da, harrera integrala izateko zume gisa. Ikuspegi komunitarioa izatea, inklusioa sustatzea, ahalduntzea eta bizi baldintzak eraldatzea izan beharko dira harreraren oinarri, hizkuntza zehar-lerro gisa eremu guztietan txertatuz.<\/p>\n

Jatorri-aniztasuna da egungo immigrazioaren ezaugarri nagusia eta horrek bere baitan dakarren hizkuntza-aniztasuna. Harrera herri euskalduna izango bagara, tokian tokiko errealitate soziolinguistikoa ezagutzea beharrezkoa izango da. Aberastasun linguistiko esanguratsua duen gizartea gara, beraz, nola sustatu euskararen ezagutza unibertsala, komunitate etorkinen hizkuntzak ere indartuz?<\/p>\n

Euskara eta immigrazioa, ez dira arazo bat, erronka baizik, horregatik, euskara oztopoarekin eta diskriminazioarekin lotzen dituen markoa gaindituz, hizkuntza gutxitu batek behar duen adostasun soziala bermatzea beharrezkoa da.<\/p>\n

Azkenik, zaurgarritasunetik euskalduntzeko moduak aurkitu behar ditugu, izan ere, euskalduntzeak migratzaileen egoerak kontuan izango dituen politika, programa, bitarteko, laguntza eta metodologiak behar ditu inklusio tresna izan dadin.<\/p>\n

EGITARAUA<\/strong><\/h2>\n

Ekainaren 5a, osteguna<\/strong><\/h3>\n

09:30-10:00 \u00a0\u00a0\u00a0\u00a0\u00a0\u00a0 Harrera eta agurrak.<\/strong><\/p>\n