Elkar behar dugun organismoak gara; handiak eta txikiak, kolore guztietakoak. Elkar elikatzen dugu, gure ingurunearen baldintzen baitan. Euskal soziolinguistikarena ekosistema bizia da. Bizirik dago, bizitasunez betea.
20 urte dira euskararen biziberritze prozesua ezagutza soziolinguistikoz hornitzeko Soziolinguistika Klusterra sortu zela. Ikerguneari forma ematean, eremu teorikoan eta aplikatuan dihardutenak harremanetan jartzeko gune bezala irudikatu zen. Euskararen lurralde osoaren ikuspegian jardutea eta ezagutza zientifiko zorrotza produzitzea ezarri ziren lehentasun gisa. Bi hamarkada beranduago, irizpide horiek berretsiz, etengabe egokitzeko eta berritzeko erronkak indarrean dirau.
2024ko Euskal Soziolinguistika Jardunaldian, euskara biziberritzeko interesgarriak eta baliagarriak izan daitezkeen zenbait auziri helduko diegu. Eta, bide batez, hurrengo 20 urteetan datorrenaz eta egin nahi genukeen bideaz hausnartuko dugu. Urtero bezala, euskal soziolinguistikaren ekosistema biziaren topagune izan nahi du jardunaldiak; ikerlariak, aktibistak, erakunde arduradunak, teknikariak, irakasleak, aholkulariak eta ekosistema hau osatzen duten denetariko izakiak elkarlanean jartzea aurrera begira emankorra dela baitakigu.
Soziolinguistika Klusterrak duen gizartearekiko konpromisoari erantzunez, Europa Jauregiarekin lankidetzan, jardunaldia “ERRONKA GARBIA ekitaldia” izan dadin beharrezko neurriak hartuko ditu. MUGIKORTASUNA, EROSKETAK, AZPIEGITURA, HONDAKINAK, ENERGIA eta URAri lotutako neurriak hartuko dira ekitaldiaren antolakuntzan. Neurri hauen bidez, guztion ekarpenarekin, ekitaldi jasangarriagoa eta hobea lortzea eta pixkanaka irizpide eta ohitura berriak ezartzea lortuko dugulakoan gaude.
| 9:00 | DOKUMENTAZIO BANAKETA |
| 9:15 | IREKIERA |
| 9:30 | HITZALDIA Hizkuntza gutxituaren inguruko diskurtso emergenteak Katalunian [Hitzaldia gaztelaniaz] Avel-li Flors (CUSC-Universitat de Barcelona) |
| 10:30 | PANELA Hizkuntza gutxituaren inguruko diskurtso emergenteak Euskal Herrian Diskurtsoak etnizitatetik haratago – Onintza Legorburu (Emun) Hizkuntzak bizindartzeaz, galtzeaz baino gehiago – Xan Aire (Plazara) Inposizioak, pribilegioak, eta beste botere gatazka batzuk – Mikel P. Ansa (Berria) |
| 11:30 | ATSEDENALDIA |
| 12:00 | TAILERRAK (Talde-ariketak) |
| 1. Soziolinguistika Hezkuntzan – Soziolinguistika Klusterra | |
| 2. Immigrazioa eta integrazio soziolinguistikoa – Soziolinguistika Klusterra | |
| 3. Kirol antolatuaren lekua euskararen biziberritzean – Emun | |
| 14:00 | BAZKARIA |
| 15:00 | HITZALDIA Katalanaren soziolinguistikaren ekosistema [Hitzaldia gaztelaniaz] Avel-li Flors (CUSC-Universitat de Barcelona) |
| 15:30 | MAHAI-INGURUA Euskal soziolinguistikaren ekosistema: non gaude eta nora goaz? Manex Agirre (Gorbeialdeko Kuadrilla) Maddi Etxebarria (Elhuyar) Jon Mentxakatorre (Mondragon Unibertsitatea) Moderatzailea: Rosa Ramos (Uharri) |
| 16:45 | HITZALDIA Soziolinguistika Klusterretik hurrengo bi hamarkadei begira Imanol Larrea (Soziolinguistika Klusterra) |
| 17:00 | ITXIERA |
2024/06/06 Asier Basurto (Blog Revista Llengua i Dret) Ekosistema biziaren topagune emankorra. 2024ko apirilaren 23an Gasteizen egindako Euskal Soziolinguistika Jardunaldiaren kronika
2024/06/06 Asier Basurto (Blog Revista Llengua i Dret) Un punt de trobada fructífer per a un ecosistema viu. Crònica de la Jornada de Sociolingüística Basca celebrada a Gasteiz el 23 d’abril de 2024
2024/04/23 Arantxa Iraola (Berria) – Euskara, gaur, plazara irteten
2024/04/23 Arantxa Iraola (Berria) – Avel·li Flors: «Kezka dago katalana gero eta minorizatuagoa delako»
2024/04/23 Faktoria Magazina (Euskadi Irratia) – Onintza Legorburu: «Euskararen alde bai, baina beste garai batzuekin alderatuta indiferentzia somatzen dut»
2024/04/26 Onintza Irureta (Argia) – Hizkuntza gutxiagotuak: sortzen ari diren diskurtsoei gainbegiratua
2024/04/30 Hemen Debagoiena (Goiena) Imanol Larrea: «Euskalgintzan ari diren eragile gehienek bezala ikusten duguna da diskurtso berrien beharra dagoela»
Aurkezpenak:
Tailerren emaitzen sintesia:
|
Etorkinen integrazio soziolinguistikoa – Soziolinguistika Klusterra |
|
