Nazioarteko Hizkuntza Komisarioen Elkartearen (IALC) VIII. nazioarteko konferentzia
Bizi zure hizkuntza: Hizkuntza gutxitu eta ofizialen erabilera areagotuz
Nazioarteko Hizkuntza Komisarioen Elkarteak (IALC) bere zortzigarren nazioarteko konferentzia Galesen ospatuko du aurtengo ekainaren 11n. Konferentziak Galesen eta handik haratagoko hizkuntzen aldeko legeriaren benetako ondorioak aztertzeko aukera emango du. Galesko erakundeen esperientzia partekatuko duten saio praktikoez gain, hizlari nagusi hauen ekarpenak ere izango dira:
- Raymond Théberge, Kanadako Hizkuntz Ofizialen komisarioa
- Fernand de Varennes irakaslea, Gutxiengoen arloko Nazio Batuen kontalari berezi ohia
- Rob Dunbar irakaslea, Eskualdeetako edo Eremu Urriko Hizkuntzen Europako Gutunaren Adituen Komiteko Erresuma Batuko ordezkaria
IALCen Konferentziaren aurkezpen ofiziala
Konferentziaren inaugurazio-ekitaldia ekainaren 10ean, Cardiffeko badian egingo da. Inaugurazio-ekitaldia IALCen hamargarren urteaurrena ospatzeko aukera izango da, ondorengo hizlariekin:
- Efa Gruffudd Jones, Galesko Hizkuntza komisarioa eta IALCeko presidentea
- Delyth Jewell MS, Kultur, Komunikabide, Gales hizkuntza, Kirol eta Nazioarteko Harremanen Batzordeko burua
- Fernand de Varennes irakaslea, Gutxiengoen arloko Nazio Batuen kontalari berezi ohia
Mererid Hopwood poeta ospetsuak espreski sortutako poema irakurriko du, eta Gwilym Bowen Rhys musikari eta konpositorea eta Ysgol Hamadryad abesbatza ere arituko dira.
Kontuan izan inaugurazio-ekitaldian gonbidapen bidez baino ezin dela parte hartu.