Hizkuntza aniztasunak, hizkuntza gutxituen biziberritze prozesuek eta norbanako eleaniztunen bizipenek hiriguneetan dituzten berezitasunak lantzen dira Bat soziolinguistika aldizkariaren azken zenbakian. Artikuluek hedabideen eta komunikazio-sareen paperaz, hizkuntza-paisaiaren bilakaeraz, hezkuntzaren eremuko esku hartzeez, eskaintza linguistikoaz eta beste hainbat gaiaren inguruan hausnartzeko ideiak eta ikerketa-emaitzak jartzen dituzten mahai-gainean. Donostia, Madril, New York eta Bartzelona bezalako hirietan gertatzen dena ulertzeko hurbilketak dituzte aldizkari honetan bildutako lanek jatorrian:Inprimakiaren hasiera
- Hiriguneak eta euskarazko komunikazioa – Josu Amezaga Albizu, Naroa Burreso Pardo
- Euskara Donostiako hizkuntza-paisaian – Jasone Cenoz, Durk Gorter, Jokin Aiestaran Etxabe
- Madril/New York: bi hiriren eraldaketa hizkuntza paisaiaren bidez. Hezkuntza ekintzarako tresna – Lara Alonso, Luisa Martín Rojo
- Katalanaren eskaintza Bartzelonako saltokietan 2022an – Vanessa Bretxa, Anna Torrijos, Albert Fabá
Gurean atalean beste bi gai interesgarri jorratzen dituzten artikuluak bildu dira oraingoan:
- Gasteizko guraso euskal hiztunen familiako hizkuntza politikak seme-alaben sozializazio eleaniztunerako – Anne Egaña
- “Gero eta aldeko gehiago”: prozesu polifoniko baten sintesia – Oskar Zapata Solano, Iñaki Sagardoi Leuza
HABE liburutegiarekin lankidetzan osatzen den Soziolinguistikaren munduko leihoa atalean soziolinguistikari buruzko lau liburu hautaturen erreseinak aurki daitezke.
Gogoan izan Bat Soziolinguistika aldizkaria urtean 4 zenbakitan argitaratzen dela. Paperean edo formatu digitaletan (PDF eta EPUB) irakur daiteke, harpidetza eginez gero. Ale solteak ere eros daitezke webgunean. Artikulu bat argitaratu nahi izanez gero, zehaztutako prozedura eta irizpideak jarraitu behar dira.
