Xabi Aizpurua Ugartek irabazi du 2015eko HAUSNARTU lehiaketako lehen saria, Euskararekiko pertzepzio soziolinguistikoa nola landu udalerri euskaldunetako ikasleekin: hizkuntza ekologia eta arnasguneen ideia lanarekin.
Egileak 1.500 € eta Zumetaren litografia jasoko du sari modura.
Bigarren saria Jaime Altuna Ramirezentzat izan da; 1.000 jasoko ditu Euskara pasilloetan galduta. Praktiken aldaketak eta hizkuntz mudantzak nerabezaroan lanarengatik.
Hirugarren saria, 700 €koa EAEko gehiengo euskalduna duten udalerriak epaitegi erdaldunetan lanaren egileak jasoko du: Haritz Etxeberria Bereziartua.
Lan irabazleak, HAUSNARTU lehiaketan parte hartu duten beste hainbat lanekin batera BAT Soziolinguistika Aldizkariak argitaratuko ditu 97. zenbaki monografikoan, 2015eko abenduan.
Sari-banaketa 2016ko urtarrilaren 29an izango da Donostian.
