Soziolinguistika Klusterra Euskal Herria- Països Catalans Elkarbidean nazioarteko kongresuan

Maiatzaren 10, 11 eta 12an Gasteizko EHUren Letren Fakultatean Euskal
Herria- Països Catalans: Elkarbidean nazioarteko kongresua

burutu da. Hiru egunetan zehar bi herrialdeak lotzen dituzten gaiak jorratu dira hitzaldi, aurkezpen, mahai-inguru eta kultur ekitaldien bidez.

Soziolinguistika Klusterrak bi komunikaziorekin parte hartu du kongresuan. Alde batetik, Pablo Suberbiola eta Asier Basurtok ARRUE ikerketaren zenbait emaitza aurkeztu zituzten. Beste alde batetik, Olatz Altunak Kale Erabileraren Neurketak burutzeko metodoari buruzko azalpena eman zuen, Bartzelonan antzeko neurketak egiten dituen Josep Maria Aymarekin batera.