Proiektu honetan, bikote linguistikoak osatzen dira jolas-orduan, astean behin, iritsi berria den edo normalean katalanez egiten ez duen ikasle batez eta hiztun katalan batez osatuak, katalanez hitz egin dezaten gai jakin batzuei buruz.

Elkarrizketarako bikoteen topaketa horien bidez, ezagutzak eta bizipenak partekatzen dituzte. Gizarteko interakzio gehienetan, zoritxarrez, asimetria izaten da nagusi; eskola, ordea, leku pribilegiatua izan daiteke kultura-artekotasunerako, hainbat jatorritako pertsonen arteko harremanak planifikatzeko eta antolatzeko. Horrenbestez, elkarrizketarako bikoteak osatzen direnez, gure proiektuaren ardatza da katalana hizkuntzaren ikuspegi komunikatibotik erabiltzea, besteekin interakzioan aritzeko eta katalana ikasten beranduago hasitako ikasleen eta bertako ikasleen artean bizipenak trukatzeko tresna gisa.

18 urtetik gorako ikasleek, berriz, aukera dute Esparreguerako Katalanaren Tokiko Zerbitzuko (SLC) boluntario-programan parte hartzeko. Eskolaz kanpoko ordutegian eskaintzen da, ikastetxeetatik kanpo. Hala, sarean osatutako proiektu bat finkatu da.