Saltatu eduki nagusira

BIHAR Kongresuan izena emateko aukera zabaldu da

Garabide, Soziolinguistika Klusterra, Taupa Euskaltzaleen Mugimendua eta Plazara eragileek antolatutako BIHAR ekimena bere bidea egiten ari da. Ezohizko dimentsioko proiektua da: munduko hizkuntza komunitate gutxituak erdigunean jarriz, hizkuntzen biziberritzearen inguruko kontakizunen eguneraketan jartzen du fokua. Egitasmo honek erakunde hauen babesa du: Eusko Jaurlaritzako Lankidetzarako eta Elkartasunerako Euskal Agentzia, Beasaingo Udala, Bilboko Udala, Bizkaiko Foru Aldundia, Euskal Kultur Erakundea, Eusko Jaurlaritzako Kultura eta Hizkuntza Politika Saila, Gipuzkoako Foru Aldundia eta Nafarroako Gobernua.

  • Nazioarteko hizkuntza komunitate gutxituetan, hizkuntzak biziberritzeko prozesuetan erabiltzen diren diskurtsoak eta kontakizunak identifikatu dira, diagnostikoan (2025) komunitateak hizkuntzen alde aktibatzeko orduan erabiltzen diren diskurtso-estrategia horiek sakon aztertzeko asmoz.
  • Diagnostikoaren gako nagusiak Euskal Herriko eragile anitzekin elkarrizketan jarriko dira sozializazioa eta gogoeta fasean: 10 herritan 20 saio antolatu dira (2026ko apirila-ekaina). Euskalgintzako eta beste herri mugimenduetako kideak gonbidatu dira, baita euskaraz ez dakiten pertsonak ere.
  • Hizkuntzetatik jalgitzen ari den mundua leloa duen Nazioarteko Kongresuak (2026ko iralaren 23tik 26ra), eduki akademikoak, gizarte-aktibismoa eta arte-adierazpena uztartuko ditu, Hego Globaleko eta euskal mugimenduko eragileen parte-hartzearekin.

Kongresuaren egitarauaren lehen informazioa eskuragarri dago, baita bertan izena emateko aukera ere.

Informazio zabalagoa bihar.eus webgunean aurkitu daiteke.

BI ASTEAN BEHIN
ZURE EMAILEAN