Agasallo.eu onlineko plataforma bat da, galegozko opariak biltzen, zabaltzen, ezagutarazten eta gomendatzen dituena. Opariak mota guztietakoak, adin guztietarako eta urteko gertakari eta garai guztietarako aproposak dira: liburuak, musika, ikus-entzunezkoak, jokoak, teknologia, arropa, esperientziak, elikadura eta beste hainbat.

Agasallo.eu plataformaren helburuak dira galegoa erabiltzen duten mota guztietako gaiak, produktuak eta zerbitzuak herritarrei erakustea eta ezagutaraztea; herritarrek jakitea mota guztietako eta adin guztietarako produktuak oparitu ditzaketela gure hizkuntzan; saltokiek oparitarako galegozko produktu-eskaintza handiagoa izan dezaten bultzatzea; tokiko kultura-gaiak eta enpresak sustatzea eta haiei laguntzea; eta, azken batean, pertsona guztientzat eta adin guztietarako galegozko opariak hauta daitezen sustatzea.

Agasallo.eu plataforman, oparitu daitezkeen produktu guztiek dute tokia, baldin eta galegoz badaude, alegia, hizkuntza-edukia galegoz badago.

Web-plataformak hainbat funtzionalitate ditu: produktuaren, prezioaren, adinaren eta abarren arabera egin daitezke bilaketak; katalogoak pdf-n sortzeko tresna bat; opariak egiteko egun berezien agenda bat; eta abar.

Horrekin batera, kanpainak egiten dira opari bat hautatzean hizkuntza kontuan har dadin bultzatzeko, eta opariak egitea ohikoa den garaietan, herritarrek galegozko opariak egin ditzaten bultzatzeko. Publizitate-kanpainak sare sozialetan eta komunikabide digitaletan egiten dira, udaletako hizkuntza-normalizazioko zerbitzuetan eta ikastetxeetako hizkuntza-normalizazioko taldeen bidez egiteaz gainera.