Radio Kaszëbë-ren misioa da tokiko loturak eraikitzea Itsaso Baltikoan dagoen Pomeraniako biztanleen artean (hiriburua: Gdańsk), 500.000 kaxubiar kulturalki eta etnikoki integratuz.
 
Irrati-etxea 2004an sortu zuen gobernuz kanpoko erakunde batek kaxubiarren ondare nazionala eta hizkuntza sustatzeko. 800.000 entzule potentzial guztiengana iristeko, irratsaioak kaxubieraz zein polonieraz ematen dira. Garrantzitsua da, zeren kaxubiar guztiek ez dute beren ama-hizkuntza hitz egiten edo ulertzen, baina kaxubiar-nortasun sendoa dute. Horrez gain, Kaxubia Pomerania osoan sustatu nahi genuen, probintziako marka esklusibo gisa, berriemaileak erakartzeko. Orduero tokiko albisteak emanez, xede genuen, halaber, Kaxubiara bizitzera etortzen zirenen interesa piztea.
 
10 urte behar izan genituen entzuleria osatzeko eta tokiko irrati-etxe nagusi bihurtzeko. Radio Kaszëbë arrakastaz lehiatu da nazio mailako irrati-etxe komertzial handiekin eta irrati-etxe publikoekin. 2015ean, 398.000 entzule baino gehiago genituen astero Kaxubian; Pomerania probintzian, berriz, irrati entzunenetan laugarrena gara 25-59 urte bitarteko entzuleen artean.
 
Irratiaren ardatz nagusiak zenbait generotako musika ezaguna, eskualdeko informazioa eta entzuleekiko zuzeneko interakzioa dira. 2008an, Kashubian Idol irratiko talent showari ekin genion, abeslari gazteei Kaxubiako musikaren eta hizkuntzaren inguruko interesa piztea sustatzeko. Audioak grabatzen ditugu antzinako kantu eta ipuin tradizionalak gordetzeko, audioliburuak ekoizteko eta mota guztietako eskualdeko ekitaldiak sustatzeko. Irrati komertzial gisa, ordea, gure misioa guk geuk finantzatu behar dugu iragarki-tarteak salduz eta zenbait erakunderi eta Poloniako gobernuari diru-laguntzak eskatuz.