Uma Leht võro hizkuntzako egunkari bakarra da; 15 urtez argitaratu da. Lehenago, ez zegoen ohiko prentsarik võro-hiztunentzat. Võro hizkuntzak hizkuntza ez-estandarraren ospea zuen, eta haren hiztunak estoniera estandarrera lerratzen zirela.
 
Uma Leht-ek lau orrialde ditu, eta hilean bi aldiz argitaratzen da. Haren gaien artean, aipagarriak dira võro hizkuntzari buruzko albisteak, eta hauei buruzko artikuluak ekartzen ditu: hainbat jarduera, bizimodu tradizionala, zenbait ekimenetan murgiltzen den jendea, landa-inguruneko bizimodua, ekonomia tradizionala/etnikoa, ondare-kultura… Uma Leht bitarteko bat da võro hizkuntzan irakurri eta idatzi nahi izan dutenentzat eta komunikabideen bidez võro-hiztunekin harremana izan nahi dutenentzat.
 
Uma Leht bitarteko bat da, halaber, jende arruntarentzat, profesionalak ez direnentzat eta beren sormenezko idazlanak (hala nola fikzioa eta memoriak) argitaratu nahi dituztenentzat. Urtero, UL-ko argitalpen-atalak idazlan-lehiaketa handi bat antolatzen du; 12. edizioa 2015ean egin zen. 12 urtez, 1.400 istorio baino gehiago bidali dira lehiaketara, 250 egile baino gehiagorenak.