Galegoz jarduten diren talde eta bakarlarientzako lehiaketa musikala da. Proiektu horren bidez, galegoa erabiltzea erabaki duten talde guztiei lagundu nahi diegu oso publiko zorrotz baten aurrean jarduten: Galiziako ikastetxeetako ikasleen aurrean.  

Beste helburu bat ere badute proiektu hori bultzatzen duten taldeek: musika galiziarra ezagutaraztea eta galegoz abesten duten taldeei laguntzea. Besteak beste, diru-sariak jaso ditzakete talde horiek, eta 2016ko Correlinguak zeharkatuko dituen 12 herri eta hirietan jotzeko aukera izango dute. Galegoaren aldeko lasterketa da Correlingua, non hezkuntza-ziklo guztietako milaka neska-mutikok hartzen duten parte.

Originalak izan behar dute kantuek; ez da onartuko bertsiorik. Edozein gairi buruzkoak izan daitezke kantuak, baina ezin dute eduki lizun edo diskriminatzailerik izan. Bestalde, ondo zaindu behar dute hizkuntza; besteak beste, ez dute gaztelaniakeriarik erabili behar .