Komunitatean bertan hizkuntza eta kultura gaelikoa aldarrikatzeko ekimen bat da, eta gure hizkuntzan, musikan, abestietan eta dantzan interesa duten ororekin partekatzeko aukera bat.
 
South Uist gaelikoaren gune nagusian errotua dago Ceòlas, eta Hebridetako ondarearen muina da. Azken hogei urteotan, Ceòlas izan da uharteetako biziberritze sozial eta kulturalaren eragile nagusia. Erakundeak tokiko kultura eta ondare gaelikoa aldarrikatzen dituzten ekitaldiak eta hezkuntza ditu ardatz, eta lotura kultural sendoa du Gàidhealtachd diasporarekin.
 
Gure komunitatearen ondare gaeliko berdingabea kontserbatzeko eta aldarrikatzeko dihardugu lanean. Uharteko musikak, hizkuntzak eta kultura-aberastasunak indartsu jarraitzen du. Ceòlas erakundeak konpromisoa hartu du kultura gaeliko bizia etorkizuneko belaunaldiei transmititzeko. Sortu zenetik (1996an), bilakaera itzela izan du Ceòlasek: astebeteko musika- eta dantza-eskola bat izatetik, kultura, ondare eta arte gaelikoaren Eskoziako erakunde nagusietako bat izatera pasatu da.
 
Ceòlas elkarlanean aritu da Irlanda, Finlandia, Norwegia, Suedia eta Islandiarekin zenbait garapen-proiektutan, gure hizkuntzaren eta kulturaren berezitasunak kanpoan erakusteko. Gaur egungo ezaugarrietako batzuk hauek dira: udako eta neguko ikasturteko parte-hartzaile guztiek derrigorrezko 45 minutuko hizkuntza-eskola bat dute egunero.