Latgaliako Ikasleen Zentroa (LgSC) 1990. hamarkadaren hasieratik existitzen da. 2005eko azaroaren 2an, Letoniako Errepublikako Enpresen Erregistroak Elkarteen eta Fundazioen Erregistroan erregistratu zuen. 2008ko uztailean, 'ondasun publiko' estatusa lortu zuen. LgSC-ren jardueren helburua da gazteengan europar kontzientzia bultzatzea, eta haiei Latgaliako eskualdeko ingurune kultural, ekonomiko eta sozialaren garapenean parte harraraztea, horri buruzko proiektuen lanketa eta inplementazioa koordinatzea.
 
Hauek dira LgSC-ren zereginak:

1. Elkarteak ezarritako helburuak lortzeari buruzko proiektuen lanketa eta inplementazioa koordinatzea.

2. Erakundearen helburuekin liluratutako Latgaliako gazteak elkartzea.

3. Latgaliako gazteak gizarte zibileko gaietan trebatzea, eta gazteek ere bizitza zibilean parte har dezaten sustatzea.

4. Latgaliako gazteen prestakuntza babestea, eta espezialista berriak Latgaliako eskualdera itzul daitezen erraztea.

5. Gazteak Latgaliako eskualdeko ingurune kulturala osatzeko eta garatzeko prozesuetan sar daitezen erraztea.

6. Eztabaida publikoa sustatzea Latgaliako eskualdean ingurune kultural, ekonomiko eta soziala garatzeko prozesuari buruz, horri lotutako arazoei buruz eta garapena sustatzeko aukerei buruz.

7. Latgaliako eskualdeko historia kulturalaren ondarea zaintzea eta sustatzea hari buruzko kontzientziazioa areagotuz, hura aztertuz eta Letoniako eta Europako publikoarentzat eskuragarriago jarriz.

8. Zenbait kontzientziazio-, informazio- eta olgeta-ekitaldi antolatzea: mintegiak, ikastaroak, hitzaldiak, kanpamentuak.

9. Letoniako gizartearen, tokiko udalerrien eta estatuko erakundeen interesa sustatzea Latgaliako arazo nagusientzako irtenbideei buruz, kontuan izanik hango ingurune kultural, ekonomiko eta sozialaren espezifikotasunak.