“Upa-upa, ubinakõnõ” tokiko jaioberri, adingabe eta haien gurasoentzako võrozko kantuen hirugarren CDa da.
Haurrentzako võrozko kantuak dituzten CDak jaioberri guztien gurasoei banatzen zaizkie tokiko ospitaleetako erditze-departamentuetan. Ukitu garaikidea duten bertako kantu errazak jasotzen dituzte CDek. Gurasoek kantuak abesten dituzte, eta haurrekin batera entzuten dituzte. Kantu horiek gurasoak bultzatzen dituzte seme-alabekin tokiko hizkuntza erabiltzera haiek jaio orduko. Gainera, haur zaharragoek kantuak ikas ditzakete CD horietatik. CD horiek asko erabiltzen dira, halaber, irakaskuntza-material gisa tokiko haurtzaindegietako hizkuntza-habietan, bai eta eskoletako võro-klaseetan ere. Neurri horrekin, hizkuntza belaunaldiz belaunaldi transmititzea sustatzen da. Proiektua “Kõnele lapsega võru keelt” (‘Hitz egin võroz zure haurrarekin’)  informazio- eta gizarteratze-kanpainaren zati da, estonierara bakarrik lerratzea saihesteko.
 
Lehenengo CDa, “Laulami latsilõ, laulami latsiga” izenekoa, 2005ean ekoitzi zen (2.000 aleko tirada + beste 2.000); bigarren CDa, “Mina lätsi Siidile”, 2009an (2.000 + beste 2.000); eta hirugarrena, “Upa-upa ubinakõnõ”, 2015ean (2.000). CD guztiak Võro Institutuak argitaratu zituen, eta kantu herrikoien zein zenbait musikarik idatzitako eta abestutako kantuen bilduma bat dakarte. CD bakoitzak liburuxka bat dakar hitzekin eta bertso klasikoekin.
 
CD horien ekoizpenean (kantuen hautaketa eta moldaketa, grabaketa), tokiko folk-musikari profesionalen belaunaldi gazteenek eta võroz hitz egiten duten haurrek hartu dute parte. 

Ospitaleetan banatzeaz gain, salmentak ere antolatu dira.